اقبال کے نام

خراجِ عقیدت برائے یومِ اقبال، ۹ نومبر

کسی نے سخن کو تماشا کہا تھا
مگر اُس قلم میں صدی کی فغاں ہے

کسی نے یہ شاہیں قفس میں رکھا تھا
مگر اب قفس ہی اسے اک جہاں ہے

کسی کے اشارے پہ جینا نہ چاہا
خودی ہی ہمارے دلوں کی اماں ہے

بلندی کسی کی وراثت نہیں ہے
مسافر تھکا بھی مگر پھر رواں ہے

نبی ﷺ کی محبت دلوں میں جگائی
مگر اب وفا کا کڑا امتحاں ہے

نہ نقشے نہ پرچم نہ سرحد بنی تھی
مگر اُس قلم میں وطن کا نشاں ہے

زباں پر سدا ہے فقط نامِ اقبال
ہمارے عمل میں وہی اب کہاں ہے

حسنؔ نے خودی کی کہانی لکھی تھی
قلم نے کہا: تُو ابھی خود نہاں ہے

میر حسنؔ

Iqbal Ke Naam

Kisi ne sukhan ko tamasha kaha tha
Magar us qalam mein sadi ki fughaan hai

Kisi ne ye shaheen qafas mein rakha tha
Magar ab qafas hi use ek jahaan hai

Kisi ke ishaare pe jeena na chaha
Khudi hi hamare dilon ki amaan hai

Bulandi kisi ki viraasat nahin hai
Musafir thaka bhi magar phir rawaan hai

Nabi ﷺ ki mohabbat dilon mein jagaai
Magar ab wafa ka kara imtihaan hai

Na naqshay na parcham na sarhad bani thi
Magar us qalam mein watan ka nishaan hai

Zabaan par sada hai faqat naam-e-Iqbal
Hamare amal mein wahi ab kahaan hai

Hasanؔ ne khudi ki kahani likhi thi
Qalam ne kaha: Tu abhi khud nihaan hai

Meer Hasan

تبصرے

Popular Posts

سردار عورت

مجھے وہاں جانا ہے۔