خاک سے اُٹھنے کا ہنر

مری ہستی کو فقط خاک سمجھنے والو
اسی مٹی سے نیا خواب بنایا ہے میں نے

مرے حالات پہ ہنسنے کو جو آئے تھے کبھی
ان کی ہر بات کو ہنس کر ہی بھلایا ہے میں نے

دل میں طوفان تھے، آنکھوں میں سمندر لیکن
اپنے چہرے پہ تبسم کو سجایا ہے میں نے

مرے زخموں کو مری ہار سمجھنے والو
انہی زخموں سے نیا حوصلہ پایا ہے میں نے

مرے رستے میں جو دیوار اٹھاتے تھے کبھی
انہی دیواروں میں دروازہ بنایا ہے میں نے

کبھی تاریکی نے ہر سمت سے گھیرا مجھ کو
اپنے سینے میں مگر دیپ جلایا ہے میں نے

حسنؔ حالات نے ہر موڑ پہ توڑا مجھ کو
انہی ٹکڑوں سے نیا خواب سجایا ہے میں نے

میر حسنؔ

Khaakh Say Uthne Ka Hunar

Meri hasti ko faqat khaak samajhne walo
Isi mitti se naya khwaab banaya hai main ne

Mere halaat pe hansne ko jo aaye the kabhi
Un ki har baat ko hans kar hi bhulaya hai main ne

Dil mein toofaan the, aankhon mein samandar lekin
Apne chehre pe tabassum ko sajaya hai main ne

Mere zakhmon ko meri haar samajhne walo
Unhi zakhmon se naya hausla paaya hai main ne

Mere raste mein jo deewaar uthaate the kabhi
Unhi deewaaron mein darwaaza banaya hai main ne

Kabhi tareeki ne har samt se ghera mujh ko
Apne seene mein magar deep jalaya hai main ne

Hasan, halaat ne har mor pe tora mujh ko
Unhi tukron se naya khwaab sajaya hai main ne

Meer Hasan