خاموشی واحد زبان ہوگئی ہے میری

کرسیوں پہ جالے پڑ گئے ہیں
زندگی ویران ہو گئی ہے میری
آٹھ ارب کی اس بھیڑ میں
تنہائی پہچان ہو گئی ہے میری

ہجومِ شہر میں ہر شخص
اپنے ہی سفر میں گم ہے
ہزاروں چہروں کے درمیان
دنیا سنسان ہو گئی ہے میری

جنہیں اپنا سمجھ کر میں نے
عمر بھر سینے سے لگائے رکھا
اب اُن کی یادوں میں
ہر شام ویران ہو گئی ہے میری

در و دیوار بھی اب
مجھ سے باتیں نہیں کرتے
خاموشی میرے گھر کی
واحد زبان ہو گئی ہے میری

آئینے میں روز وہی چہرہ
مجھ سے نظریں ملاتا ہے
مگر آنکھوں کی تھکن کہتی ہے
صورت انجان ہو گئی ہے میری

ہر سال یہی سوچتا رہا
اگلے برس یہ زخم بھر جائیں گے
برسوں بعد جب مڑ کر دیکھا
عمر ہی قربان ہو گئی ہے میری

کبھی اِس گھر میں رات گئے تک
ہنسی کی آواز رہتی تھی
اب ہنس بھی دوں کسی لمحے
تو خوشی مہمان ہو گئی ہے میری

در ابھی تک کھلا ہے
شاید کوئی لوٹ آئے کبھی
حسنؔ، اسی ایک انتظار میں
زندگی زندان ہو گئی ہے میری

میر حسنؔ

Khamoshi Wahid Zubaan Ho Gayi Hai Meri

Kursiyon pe jaale par gaye hain
Zindagi veeraan ho gayi hai meri
Aath arab ki is bheer mein
Tanhai pehchaan ho gayi hai meri

Hujoom-e-shehr mein har shakhs
Apne hi safar mein gum hai
Hazaaron chehron ke darmiyaan
Duniya sunsaan ho gayi hai meri

Jinhein apna samajh kar main ne
Umr bhar seene se lagaaye rakha
Ab un ki yaadon mein
Har shaam veeraan ho gayi hai meri

Dar-o-deewaar bhi ab
Mujh se baatein nahin karte
Khamoshi mere ghar ki
Wahid zubaan ho gayi hai meri

Aaine mein roz wohi chehra
Mujh se nazrein milaata hai
Magar aankhon ki thakan kehti hai
Soorat anjaan ho gayi hai meri

Har saal yehi sochta raha
Agle baras yeh zakhm bhar jaayein ge
Barson baad jab mur kar dekha
Umr hi qurbaan ho gayi hai meri

Kabhi is ghar mein raat gaye tak
Hansi ki aawaaz rehti thi
Ab hans bhi doon kisi lamhe
To khushi mehmaan ho gayi hai meri

Dar abhi tak khula hai
Shaayad koi laut aaye kabhi
Hasanؔ, isi ek intezaar mein
Zindagi zindaan ho gayi hai meri

Meer Hasan